අමාත්ය උදය ගම්මන්පිළ මහතාට එරෙහිව විශ්වාසභංග යෝජනාව පාර්ලිමේන්තුවේ විවාදයට ගන්නා අද සහ හෙට දෙදින තුළ රජයේ සියලුම සාමාජිකයන් කොළඹ රැඳී සිටිය යුතු යැයි ජනාධිපතිවරයා සහ අගමැතිවරයා විසින් උපදෙස් ලබා දී තිබේ.
එමෙන්ම විශ්වාසභංග යෝජනාව පරාජය කිරීම සඳහා උපරිම දායක්ත්වයක් ලබා දිය යුතු බව ජනාධිපති ගෝඨාභය රාජපක්ෂ මහතා ආණ්ඩුවේ සියලුම මැති ඇමතිවරුන් වෙත අවධාරණය කර ඇත.
ශ්රී ලංකා නිදහස් පක්ෂය විශ්වාසභංග යෝජනාව පරාජය කිරීම සඳහා සහාය වීමට මීට ඉහත දී ම තීරණය කර තිබුණි.
කෙසේ නමුත් උදය ගම්මන්පිල මහතාට එරෙහි විශ්වාසභංග යෝජනාවට විරුද්ධව ඡන්දය භාවිත කිරීම ශ්රි ලංකා නිදහස් පක්ෂයේ ස්ථාවරය බවයි ශ්රී ලංකා නිදහස් පක්ෂයේ පාර්ලිමේන්තු මන්ත්රී, අමාත්ය මහින්ද අමරවීර මහතා පවසන්නේ. ගම්මන්පිල අමාත්යවරයාට එරෙහිව ඉදිරිපත් කර ඇති විශ්වාසභංග යෝජනාවේ දි නිදහස් පක්ෂය කිසිදු අවස්ථාවක විපක්ෂයට වාසිදායක වන ආකාරයේ තීන්දුවක් නොගන්නා බවත් ඔහු පවසනවා.