පකිස්තානයේ, ඇෆ්ගනිස්තාන තානාපතිවරයාගේ දියණිය පැහැරගෙන යාම රටවල් දෙක අතර දේශපාලන අර්බුදයක් දක්වා දිග්ගැසී ඇතැයි වාර්තා වේ.
මීට හේතුවී ඇත්තේ අදාළ පැහැරගෙනයාමේ සිදුවීම අසත්යයක් ලෙසට බැහැර කිරීමට පකිස්තාන අභ්යන්තර කටයුතු අමාත්යවරයා පියවර ගැනීමත් සමගයි.
අභ්යන්තර කටයුතු අමාත්යවරයාගේ මෙම ප්රකාශයෙන් අනතුරුව පකිස්තාන විදේශ අමාත්ය ෂා කුරේෂි ඇමතූ ඇෆ්ගනිස්තාන විදේශ අමාත්ය මොහොමඩ් හනීෆ් අදාළ ප්රකාශය නොපැසුණු සහ වෘත්තීමය නොවන එකක් බවට චෝදනා නගා තිබේ.
මීට සමගාමීව ඇෆ්ගනිස්තානය, පකිස්තානයේ සිටින සිය තානාපතිවරයා ඇතුළු රාජ්ය තාන්ත්රික නිලධාරින් ඉවත් කර ගැනීමට ද පියවර ගනු ලැබිණ.
කෙසේවෙතත් මේ වනවිට පකිස්තාන විදේශ අමාත්ය ෂා කුරේෂි තත්ත්වය සමනය කිරීම සදහා කටයුතු කරමින් සිටින අතර ඔහු ඇෆ්ගනිස්තාන විදේශ අමාත්යවරයාට අවධාරණය කර ඇත්තේ මේ පිළිබදව කඩිනමින් විධිමත් ලෙස පරීක්ෂණ පවත්වා අවශ්ය ක්රියාමාර්ග ගන්නා බවයි.
පකිස්තානයේ ඇෆ්ගනිස්තාන තානාපතිවරයාගේ දියණිය මෝටර් රථයකින් ගමන් කරමින් සිටියදී පැහැරගෙනයාමකට ලක්වුණු අතර පසුව ඇය මුදා හැරුණත් පැහැරගෙනයාමට සම්බන්ධ පිරිස් ඇයට වධහිංසා පමුණුවා තිබිණ.