සමගි ජන බලවේගයේ තරුණ සංවිධානය වන සමගි තරුණ බලවේගයේ ගාල්ල දිස්ත්‍රික් ලේකම් කනිෂ්ක ලැනරෝල් මහතා හිස් හිස් ගෑස් ටැංකියක් ද සමග ගෑස් සොයා අද (12දා) වැවිලි අමාත්‍ය රමේෂ් පතිරණ මහතාගේ නිවස වෙත ගියේය.
පාගමනින් අමාත්‍ය රමේෂ් පතිරණ මහතාගේ නිවස වෙත ගිය කනිෂ්ක ලැනරෝල් මහතා, තමන් ගෑස් සොයා පැමිණි බව නිවසේ සිටි අයට පවසන ලදි.
අනතුරුව ඔහු පිටව යාමට සරසෙනවාත් සමගම “එන්න මහන්සි ඇතිනේ අපි තේ එකක් බොමු” යැයි රැස්ව සිටි පිරිස පැවසූ අතර. “නෑ….මම බොන්නේ පිටි විතරයි ඒවත් නෑනේ..” යැයි පැවසු කනිෂ්ක ලැනරෝල් යළිත් ගෑස් ටැංකිය කරමත තබාගෙන යන්නට ගොස් ඇත.
මෙරට ගෑස් හිඟයක් නොමැති බවත් ප්‍රමාණවත් ගෑස් සංචිත ඇති බවටත් අමාත්‍ය රමේෂ් පතිරණ මහතා පසුගියදා සිදුකළ ප්‍රකාශය සමාජ මාධ්‍ය ඔස්සේ දැඩි කතා බහට ලක් විය.
