චීනයෙන් ආනයනය කරන ලද කාබනික පොහොර සාම්පලවල හානිකර බැක්ටීරියා හමුවීමේ සිදුවීම පිළිබදව මේ සතියේ රැස්වෙන පාර්ලිමේන්තු සභාවාරයේ විවාදයක් ලබා නොදිය හැකි බව ආණ්ඩුපක්ෂය පවසා තිබෙනවා.
ඊයේ (30) රැස්වූ පක්ෂ නායක රැස්වීමේදී විපක්ෂය කළ මෙම ඉල්ලීම ආණ්ඩුපක්ෂය විසින් ප්‍රතික්ෂේප කළ බව විපක්ෂයේ සංවිධායක ලක්ෂ්මන් කිරිඇල්ල මහතා පවසනවා.
මෙම සතියේ ඒ සඳහා විවාදයක් ලබාදිය නොහැකි බවත් අවශ්‍ය නම් ඊළඟ පාර්ලිමේන්තු සතියේ දිනක් ඒ පිළිබද විවාදයකට ලබාදිය හැකි බවත් සභානායක දිනේෂ් ගුණවර්ධන මහතා පැවසූ බව ලක්ෂ්මන් කිරිඇල්ල මහතා සදහන් කළා.
කිරිඇල්ල මහතා පවසන්නේ ඩඩ්ලි සිරිසේන මහතාගේ සහල් ගැටළුව පිළිබදව සාකච්ඡා කළ අවස්ථාවේදී අමාත්‍ය දිනේෂ් ගුණවර්ධන මහතා අපූරු කතාවක් කී බවයි.
එනම් “එදා බත් දුන්නේ ඩඩ්ලි සේනානායක, ඒත් අද බත් දෙන පියා ඩඩ්ලි සිරිසේන” බව අමාත්‍ය දිනේෂ් ගුණවර්ධන මහතා පක්ෂනායක රැස්වීමේදී පැවසූ බවයි.
