පළාත් සභා මැතිවරණය කඩිනමින් පැවැත්වීම කෙරෙහි රජයේ අවධානය යොමු වී ඇතැයි ඉරිදා ලංකාදීප ප්‍රධාන පුවත ලෙස වාර්තා කර ඇත.
ඒ පිළිබඳ විශේෂ සාකච්ඡාවක් රාජ්‍ය සේවා, පළාත් සභා සහ පළාත් පාලන ඇමති ජනක බණ්ඩාර තෙන්නකෝන් සහ හිටපු අමාත්‍ය බැසිල් රාජපක්ෂ යන මහත්වරුන්ගේ ප්‍රධානත්වයෙන් හා පළාත් සභාවල හිටපු මැති ඇමතිවරැන්ගේ සහභාගීත්වයෙන් ඉකුත් අඟහරුවාදා අරලියගහ මන්දියේදී පවත්වා ඇති බව එම පුවතේ සඳහන්ය.
මේ වන විට වසර දෙකකට ආසන්න කාලයක් පළාත් සභා කල් දමා ඇත. ශ්‍රී ලංකා පොදුජන පෙරමුණේ පළාත් සභා මන්ත්‍රීවරුන්ගේ සංගමය ඇතුළු පාර්ශ්ව ගණනක් පළාත් සභා මැතිවරණය කල් දැමීමට එරෙහිව අදහස් දක්වා තිබේ.
