ග්‍රාමීය මාර්ග හා අවශේෂ යටිතල පහසුකම් රාජ්‍ය අමාත්‍ය නිමල් ලංසා ඊයේ (15) සිය පෞද්ගලික කාර්ය මණ්ඩලය අමාත්‍යාංශ පරිශ්‍රයෙන් ඉවත් කර ගැනීමට කටයුතු කර තිබෙනවා.
මීට හේතු කිහිපයක්ම වාර්තා වන අතර ග්‍රාමීය මාර්ග ලක්ෂයක් ඉදිකිරීමේ ව්‍යාපෘතියෙන් නිමල් ලංසා මහතාව ඉවත් කිරීමට කටයුතු කිරීම ද මෙම තීරණයට හේතු වී ඇති බවයි වාර්තා වන්නේ.
එමෙන්ම මෙවර අයවැයෙන් රාජ්‍ය අමාත්‍යාංශයට වෙන්කර ඇති රුපියල් බිලියන 10ක මුදල්, ග්‍රාමීය මාර්ග ඉදිකිරීම සඳහා මුදාහැරීම එහි ලේකම් මහාචාර්ය රංජිත් දිසානායක විසින් ප්‍රතික්ෂේප කිරීමද ලාංසා මහතාගේ ඉවත්ව යෑමට තවත් හේතුවක් බවද පැවසෙනවා.
නිමල් ලාංසා මහතා රාජ්‍ය අමාත්‍ය ධූරය දරණ ග්‍රාමීය මාර්ග හා අවශේෂ යටිතල පහසුකම් අමාත්‍යාංශයේ කැබිනට් අමාත්‍යවරයා වන්නේ ජොන්ස්ටන් ප්‍රනාන්දු මහතායි.
