මේ වන විට කොළඹ හෙට්ටිවීදිය රන් වෙළෙඳපොළෙහි, දැඩි රන් හිඟයක් පවතින බව වාර්තා වනවා.
වෙළෙඳපොළ ආරංචි මාර්ග පවසන්නේ අද (30) දිනයේ දී කොළඹ හෙට්ටිවීදිය රන් වෙළෙඳපොළෙහි කැරට් 24 ක රන් පවුමක මිල රු. 200,000 ක් හා කැරට් 22 රන් පවුමක මිල රු. 185,000 ක් දක්වා ඉහළ ගොස් ඇති බවයි.
කෙසේ වෙතත් රන් ආභරණ වෙළෙඳුන් පවසන්නේ එම මිල ගණන්වලට ද අලෙවියට රත්‍රං නොමැති බවයි.
අවශ්‍ය නම්, පාරිභෝගිකයන් අවශ්‍ය රත්‍රං සපයන්නේ නම් පමණක්, රන් ආභරණ සාදා දීමට හැකි බව ඔවුන් පවසනවා.
