නැඟෙනහිර සහ දකුණු චීන මුහුදේ වෙරළ තීරයේ මහජන විමුක්ති හමුදාවේ ක්‍රියාකාරකම් වැඩිවෙමින් පවතින අතර නාවික හමුදාව 2020 වසරට සාපේක්ෂව 2021 දී රාත්‍රී අභ්‍යාස 100 කට ආසන්න ප්‍රමාණයක් පැවැත්වූ බව ආරක්ෂක වාර්තා පවසයි.
නැගෙනහිර සහ දකුණු චීන මුහුදේ වෙරළ තීරයේ ජනතා විමුක්ති හමුදාව විසින් දිවා රාත්‍රී අභ්‍යාසවල යෙදෙන දර්ශන චීන රාජ්‍ය රූපවාහිනිය විසින් පසුගිය දා විකාශය කෙරිණ.
විශ්ලේෂකයන් පවසන්නේ කලාපය තුළ එක්සත් ජනපද නාවික හමුදාවේ වැඩිවන ක්‍රියාකාරකම්වලට ප්‍රතිරෝධය දැක්වීම සඳහා මෙම ක්‍රියාකාරකම් වේගවත් කර ඇති බවයි.
මෙම අභ්‍යාසවලට දිය යට ඔත්තු බැලීම, ගුවන් ආරක්‍ෂාව සහ නැව් ප්‍රහාර එල්ල කිරීම ඇතුළත් වූ බව චීන රාජ්‍ය රූපවාහිනිය පවසයි.
යුධ අභ්‍යාසවලට අමතරව චීනය කලාපයේ ඔත්තු බැලීමේ අවස්ථා වැඩි කර ඇති බවත් ඔත්තු බැලීමේ ගුවන් ගමන් 1,200 ක් සහ ඔත්තු නැව් මගින් මුහුදු දින 419 ක් වටිනා මෙහෙයුම් සිදු කර ඇති බවත් මිලිටරි මෙහෙයුම් නිරීක්ෂණය කරන බීජිං පදනම් කරගත් දකුණු චීන මුහුදේ මූලෝපායික තත්ව විමර්ශන මුලපිරීම (SCSPI) වාර්තා කර තිබේ.
