ඊයේ (12) දිවුරුම් දුන් නව අග්‍රාමාත්‍ය රනිල් වික්‍රමසිංහගේ ලේකම්වරයා ලෙස සමන් ඒකනායක පත්කර තිබෙනවා.
ජනාධිපති ගෝඨාභය රාජපක්ෂ විසින් මෙම පත්කිරීම සිදුකර ඇත.
සමන් ඒකනායක මීට පෙර රනිල් වික්‍රමසිංහ අග්‍රමාත්‍ය තනතුර දරන අවස්ථා 03 කදී අග්‍රාමාත්‍ය ලේකම්වරයා ලෙස කටයුතු කළ අතර, ඒ අනුව, ඔහු අදාල තනතුරට පත්වන්නේ සිව්වැනි වරටයි.
ශ්‍රී ලංකා පරිපාලන සේවයේ විශේෂ ශ්‍රේණියේ විශ්‍රාමික පරිපාලන නිළධාරියෙකු වන සමන් ඒකනායක යෞවන කටයුතු, ක්‍රීඩා, සමෘද්ධි, නිවාස, කර්මාන්ත, විදේශ කටයුතු, මුදල් යන ආමාත්‍යංශවල සේවය කළ අතර මැලේසියාව සහ මහා බ්‍රිතාන්‍යය යන රටවල ශ්‍රී ලංකා මහ කොමසාරිස් කාර්යාලවලද සේවය කර තිබෙනවා.
