ඉදිරි ආධාර සැපයීම පිළිබඳව සාකච්ඡා කිරීම සඳහා ඉන්දීය නියෝජිතයින් තිදෙනෙකු හෙට දිවයිනට පැමිණෙන බව අග්‍රාමාත්‍ය රනිල් වික්‍රමසිංහ පවසනවා.
ඒ, අද (22) දින පාර්ලිමේන්තුවට විශේෂ ප්‍රකාශයක් සිදු කරමින්.
ඉන්දියානු ණය යෝජනා ක්‍රමය යටතේ සහල් මෙට්‍රික් ටොන් 40,000ක් පමණ ආනයනය කර රජයේ සහතික මිල යටතේ අඩු ආදායම්ලාභී පවුල් වෙත බෙදා හරින බවත් අග්‍රාමාත්‍යවරයා එහිදී සඳහන් කර සිටියා.
තවද, චීනය, ඉන්දියාව සහ ජපානය සහභාගීත්වයෙන් ආධාර සමුළුවක් සංවිධානය කිරීමට ශ්‍රී ලංකාව බලාපොරොත්තු වන බව අග්‍රාමාත්‍ය රනිල් වික්‍රමසිංහ මහතා පවසනවා.
ශ්‍රී ලංකාවට ඉන්දියාවේ, චීනයේ සහ ජපානයේ සහාය අවශ්‍ය බවත් ඔවුන් අපගේ ඓතිහාසික මිතුරන් බවත් අග්‍රාමාත්‍යවරයා අවධාරණය කරනවා.
එසේම, අමෙරිකානු භාණ්ඩාගාරයේ නිලධාරීන් පිරිසක් ද ලබන සතියේ මෙරටට පැමිණීමට නියමිත බව ඔහු පවසනවා.
