අපරාධ පරීක්ෂණ දෙපාර්තමේන්තුව විසින් මේ වනවිට හිටපු අමාත්‍ය ජොන්ස්ටන් ප්‍රනාන්දුගෙන් ප්‍රකාශයක් සටහන් කරගනිමින් සිටිනවා.
පසුගිය මැයි මස 09 වනදා ගාලුමුවදොර සහ කොල්ලුපිටිය ප්‍රදේශවල ඇතිවූ ප්‍රචණ්ඩකාරී සිද්ධීන් සම්බන්ධයෙන් ඔහුගෙන් මෙලෙස ප්‍රකාශයක් ලබාගන්නා බවයි පොලීසිය පවසන්නේ.
මේ අතර, අල්ලස් කොමිසම විසින් ගොනුකර ඇති නඩුවකට අදාළව අධිචෝදනා භාරදීම සඳහා ජොන්ස්ටන් ප්‍රනාන්දු මහතා ඇතුළු විත්තිකරුවන් තිදෙනෙකුට කොළඹ මහාධිකරණය විසින් සිතාසි නිකුත් කර තිබෙනවා.
එමගින් අදාළ විත්තිකරුවන්ට දැනුම්දී ඇත්තේ ජූලි මස 04 වනදා අධිකරණය හමුවේ පෙනී සිටින ලෙසයි.
සතොස ආයතනයේ සේවකයින් ඔවුන්ගේ නීත්‍යානුකූල රාජකාරිවලින් ඉවත් කර දේශපාලන ක්‍රියාකාරකම් වල යෙදවීම තුළින් රජයට පාඩුවක් සිදු කළේ යැයි චෝදනා කොට අල්ලස් කොමිසම විසින් මෙම නඩුව ගොනුකර තිබෙනවා.
