ඊයේ (29) දින ඉරාක ෂියා ආගමික පූජක මුක්තාදා අල් සදර් දේශපාලනයෙන් ඉවත් වන බව ප්රකාශ කිරීමෙන් පසු ඉරාකයේ අගනුවර වන බැග්ඩෑඩ් හි ප්රචණ්ඩ විරෝධතා ඇති විය.
ශ්රී ලංකාවේ සිදුවූ ආකාරයෙන්ම විරෝධතාකරුවන් විසින් එම රටේ බල කේන්ද්රය වන රිපබ්ලිකන් මාලිගයට කඩා වැදුණි. මෙරට විරෝධතාකරුවන් ජනාධිපති මන්දිරය අත්පත් කර ගැනීමේ ඡායාරූපවලට සමානවම එරට විරෝධතාකරුවන්ද මන්දිරයේ තටාකයේ බැස විනෝද වන අයුරු දැක්වෙන ඡායාරූප සහ වීඩියෝ අන්තර්ජාලය හරහා හුවමාරු වන අයුරු දැකගත හැකිය.
බැග්ඩෑඩ් නගරයට ඇඳිරි නීතිය පැනවීමට ඉරාක අගමැතිවරයා නියෝග කර ඇති නමුත් ම ඇඳිරි නීති නියෝග නොතකමින් දහස් ගණනින් යුත් විරෝධතාකරුවන් නගරය පුරා සැරිසරමින් සිටින බව ජාත්යන්තර මාධ්ය වාර්තා කරනවා.
ඉරාකයේ පවතින පාලනයට එරෙහිව සහ එරට රජයේ දූෂණයන්ට සහ වංචාවන්ට එරෙහිව විරෝධතාකරුවන් පසුගිය මාස ගණනාවක් පුරා අඛණ්ඩ ව විරෝධතාවයේ නිරත වන්නේ විනිවිදභාවයකින් යුත් පාලන ක්රමයක් සහ පවතින ක්රමයේ වෙනසක් අවශ්ය බව ඉල්ලා සිටිමින්.
මෙම විරෝධතාවන් ට එරට සිටින ෂියා පූජක මුක්ටාඩා අල්-සදාර්ගේ අනුගාමිකයින් වැඩි වශයෙන් එක් වී ඇති අතර ඔහු එම විරෝධතා මෙහෙයවන බවටයි එරට පාලක පක්ෂය චෝදනා කරන්නේ .