කොවිඩ් මර්දන එන්නතේ දෙවැනි මාත්‍රාව ලබාදීම සති හයකින් පමා කරන්නේ යැයි කොවිඩ් රෝග මර්දන රාජ්‍ය අමාත්‍ය විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය පවසයි.
එන්නතේ පළමු මාත්‍රාවෙන් සති හතරකින් පසුව දෙවැනි මාත්‍රාව දීමට සැලසුම් කරගෙන සිටියත් ලෝක දත්ත අනුව එය සති දහයකින් හෝ දොළහකින් පසුව ලබාදීමට තීරණය කළේ යැයි ද අමාත්‍ය ප්‍රනාන්දුපුල්ලේ මහත්මිය පවසයි.
ඇස්ට්‍රාසෙනෙකා කොවිෂීල්ඩ් එන්නත පොදු ජනයාට එන්නත් කරද්දී බස්නාහිර කලාපයේ අවදානම් කලාප ඇතුළු වැඩි අවදානම් ග්‍රාම නිලධාරි කොට්ඨාශවලට ප්‍රමුඛත්වය ලැබෙන්නේ යැයි ද ඇය කීවාය.
රෝහල් කාර්යමණ්ඩලවලට ලබාදීමේදී සායනික පුහුණුව ලබන වෛද්‍ය හෙද සිසුන්ටත් එය හිමිවන්නේ යැයි ද ඇමැතිවරිය කීවාය.
කොවිඩ් ප්‍රතිශක්ති එන්නත්කරණය සාමාන්‍ය ජනයාට ලබාදීම කොළඹ මහ නගර සභාවේ කම්කරුවන්ගෙන් ඊයේ(15) ආරම්භ වූ අතර යුද හමුදා රෝහලේදී පාර්ලිමේන්තු මන්ත්‍රීවරුන්ට ද අද(16) ලබාදේ.
ඊට අමතරව බන්ධනාගාර නිලධාරින් 5100 කට ද එය ලබාදීම අද සිට ආරම්භ වේ.
