අවම තරමින් දින තුන හතරක කාලයකට හෝ රට සම්පූර්ණයෙන් වසා දමා රට තුළ සීඝ්‍රයෙන් පැතිර යන කොරෝනා තත්ත්වය පාලනය කිරීමට පියවර ගතයුතු බව මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ මහතා පවසනවා.
ජනාධිපති ගෝඨාභය රාජපක්ෂ මහතා සමග අද පස්වරුවේ පැවැත්වීමට නියමිත විශේෂ හමුවේදී මේ පිළිබදව වැඩිදුරටත් සාකච්ඡා කෙරෙන බවයි ඔහු සඳහන් කරන්නේ.ෙ
අදාළ සාකච්ඡාව සඳහා කොවිඩ් 19 රෝග පාලන ක්‍රියාවලියට එක්ව සිටින සියලු අංශවලට අමතරව වසංගත රෝග විශේෂඥ වෛද්‍යවරුන් කණ්ඩායමක්ද එක්වීමට නියමිතයි.
එමෙන්ම මෙවර වෙසක් උත්සවය සඳහා තොරණ, දන්සල් ආදී මහජනතාව එක්රැස්වන කිසිදු අවස්ථාවකට අවසර නොදීමට මහජන සෞඛ්‍ය පරීක්ෂකවරුන්ගේ සංගමය තීරණය කර ඇති බවද ඔහු සදහන් කරනවා.
