නිවසක් තුළ ඇඳක් මත ගින්නකට හසුවී සැක කටයුතු ලෙස මියගිය පුද්ගලයෙකුගේ සිරුරක් අද (17) පෙරවරුවේ සොයාගෙන තිබෙනවා.
මෙසේ මියගොස් ඇත්තේ එම නිවසේ පදිංචිව සිටි 48 හැවිරිදි පුද්ගලයෙක්.
උඩවලව කොළඹගේ ආර ප්රදේශයේ නිවසක් තුළ ඔහු මෙලෙස මිය ගොස් ඇති බවයි වාර්තා වෙන්නේ.
අදාළ නිවස ආසන්නේ වෙළෙඳසැලක් පවත්වාගෙන යන ඔහුගේ බිරිඳ සමග අද අලුයම් කාලයේදී ආරවුලක් ඇති කරගැනීමෙන් අනතුරුව ඔහු නිවසට පැමිණ සිරුරට ගිනි තබාගෙන ඇති බවට බිරිඳ පොලීසිය හමුවේ ප්රකාශ කර තිබෙනවා.
ඇඹිලිපිටිය මහෙස්ත්රාත්වරයා විසින් මහෙස්ත්රාත් පරීක්ෂණය සිදු කර ඇති අතර සිද්ධිය සම්බන්ධයෙන් උඩවලව පොලීසිය වැඩිදුර විමර්ශන සිදු කිරීමට නියමිතයි.