ජනාධිපති රනිල් වික්‍රමසිංහ මහතාට දේශගුණික විපර්යාස පිළිබදව උපදෙස් ලබාදීම සඳහාද ජනාධිපති උපදේශකවරයෙක් පත් කර තිබෙනවා.
ඒ අනුව එක්සත් ජාතික පක්ෂයේ නියෝජ්‍ය නායක රුවන් විජයවර්ධන මහතාව ජනාධිපති රනිල් වික්‍රමසිංහ මහතා විසින් මෙම තනතුරට පත් කර ඇති බව ජනාධිපති මාධ්‍ය අංශය නිවේදනය කරනවා.
කාබනික විමෝචනය සහ හරිතාගාර ආචරණය වළක්වා ගැනීම, පුනර්ජනනීය බලශක්ති ව්‍යාපෘති ක්‍රියාවට නැංවීම, හරිත ආර්ථිකයක් ගොඩනැගීම වැනි ක්ෂේත්‍ර රැසක් ආවරණය වන පරිදි ක්‍රියාත්මක කළ යුතු ව්‍යාපෘති රැසක් වෙනුවෙන් උපදෙස් හා සහයෝගය ලබාගැනීම රුවන් විජේවර්ධන මහතාගෙන් මෙහිදී බලාපොරොත්තු වනවා.
රුවන් විජේවර්ධන මහතා රනිල් වික්‍රමසිංහ මහතාගේ ළඟම ඥාතියෙක්ද වනවා.
කෙසේවෙතත් මෙරට ජනතාව දේශගුණික විපර්යාසයන්ට වඩා දැවැන්ත අර්බුදයකින් දෛනිකව විදවමින් ජීවත්වනවා.
