රඹුක්කන විරෝධතාවයේදී පොලිස් වෙඩි පහරින් මියගිය තරුණයාට මඩ ගසමින් යුද හමුදාපති ශවේන්ද්ර සිල්වා මහතා WhatsApp සමාජ මාධ්යයෙහි විවිධ දෑ පලකරන බවට තොරතුරු වාර්තා වනවා.
අද (20) පාර්ලිමේන්තුවේදී සමගි ජනබලවේගය පක්ෂයේ හරීන් ප්රනාන්දු මහතාද පෙන්වා දුන්නේ මියගිය තරුණයා දේශපාලන පක්ෂවලට සම්බන්ධ බවට සදහන් සටහන් යුදහමුදාපතිවරයා WhatsApp Group වල පලකරන බවයි.
දේශපාලනයෙන් තොරව කටයුතු කලයුතු ස්වාධීන තනතුරක් වන යුදහමුදාපති ධූරය දරන යුදහමුදාපති ශවේන්ද්ර සිල්වාගේ මෙම ක්රියාකලාපය පිළිබදව වහාම විධිමත් පරීක්ෂණයක් කළ යුතු බවද හරීන් ප්රනාන්දු මහතා පෙන්වා දෙනවා.
යුද හමුදාපතිවරයා පලකර ඇති සටහනෙහි දැක්වෙන්නේ මියගිය චමින්ද ලක්ෂාන් තරුණයා 2007 වසරේදී මියගිය හර්ෂ හෙට්ටිආරච්චි මහතාගේ මරණයට සැකකරුවෙක් ලෙස බන්ධනාගාරගත කරසිටි අයෙක් බවයි.
කලක් ඔහු එක්සත් ජාතික පක්ෂයේ ආසන සංවිධායකවරයෙක් වන සන්දිත් සමරසිංහ මහතාගේ ආධාරකරුවෙක් ලෙස ක්රියාකල බවත් පසුගිය කාලයේදී සමගි ජනබලවේගය පක්ෂයේ රඹුක්කන ආසන සංවිධායක අජිත් සෙනෙවිරත්න මහතාගේ ප්රබල ආධාරකරුවෙක් ලෙස ක්රියාකර ඇති බවද යුදහමුදාපතිවරයා පලකර ඇති සටහනෙහි දැක්වෙනවා.
විපක්ෂය ප්රශ්න කර සිටියේ මෙම කරුණු සත්ය බවට මොහොතකට සිතුවද එය ඔහුට වෙඩි තැබීමට සාධාරණ හේතුවක්ද යන්නයි.
