පසුගිය ආණ්ඩුව පැවති කාලයේ ආන්දෝලයකට තුඩු දුන් චීන පොහොර නැවට ගෙවීම් සිදුකළ රුපියල් ලක්ෂ 69ක මුදල නැවත ලබා ගත නොහැකි බව කෘෂිකර්ම අමාත්ය මහින්ද අමරවීර මහතා පවසනවා.
අද (24) රජයේ ප්රවෘත්ති දෙපාර්තමේන්තුවේ පැවති මාධ්ය හමුවකදී අමාත්යවරයා මේ බව ප්රකාශ කර සිටියා.
ප්රශ්නය –
“පහුගිය ආණ්ඩුව කාලේ චීනයෙන් පොහොර ගෙන්වුවා ඩොලර් මිලියන 6.9ක් අපි ගෙව්වා. අපිට පොහොර ඇටයක්වත් ලැබුණේ නෑ. ඔබතුමන්ලා උනන්දු නෑ මේ පොහොර ටික ගන්න. “
අමාත්යවරයා –
“චීන පොහොර නැවට ලක්ෂ 69ක ගෙවීමක් කරලා තියෙනවා. අපි සල්ලි දීලා තියෙනවා. දැන් පොහොරත් නෑ.. සල්ලිත් නෑ. මේක විසඳගන්න පුළුවන් තත්ත්වයක් පේන්නත් නෑ. ඇත්තටම මගේ පළමුවෙනි උත්සාහය වුණේ මේ මුදල අපිට ආපහු ගන්න පුළුවන් ද කියලා. නමුත් ඒක සාර්ථක වන බවක් පේන්න නෑ. අපේ රටට පාඩුවක් වෙලා කියලා අපිට පිළිගන්න වෙනවා.”