කෙරවලපිටිය යුගදනවි විදුලි බලාගාරයෙන් 40% ක් ඇමරිකානු New Forstress Inc සමාගමට ලබා දීමට ඇති කර ගත් එකඟතාව පිළිබඳව සාකච්ඡා කිරීම සඳහා අවස්ථාවක් ලබා දෙන්නැයි ආණ්ඩුවේ හවුල්කාර පක්ෂ ජනාධිපතිවරයාගෙන් ඉල්ලා තිබූ නමුත් ඒ සඳහා ඔවුන්ට අවස්ථාවක් අහිමි විය.
ඒ පිළිබඳව අග්‍රාමාත්‍යවරයා සහ මුදල් අමාත්‍යවරයා සමඟ තවදුරටත් සාකච්ඡා කරන ලෙසයි ජනාධිපති ගෝඨාභය රාජපක්ෂ රජයට අනුබද්ධ පාර්ශවයන්ට උපදෙස් දී තිබුනේ.
මෙම තත්වය මත ජනාධිපතිවරයා සාකච්ඡාවක් ලබා නොදෙන්නේ නම්, ගිවිසුම සම්බන්ධයෙන් මහජනතාව සමග සාකච්ඡා කළයුතු බවටයි ඔවුන් තීරණය කර තිබෙන්නේ.
ඒ අනුව, ලබන 29 වැනිදා කොළඹදී ප්‍රසිද්ධ රැළියක් පවත්වා ගිවිසුම සම්බන්ධයෙන් ජනතාව දැනුවත් කිරීමටත්, ආණ්ඩුවට විරෝධය දැක්වීමටත් තීරණය කර ඇති බවත් මෙම රැළිය සඳහා වෘත්තීය සමිතිවල දායකත්වය ලබා ගැනීමටද තීරණය කර ඇති අතර ගිවිසුමට විරෝධය පළ කරමින් ඒකාබද්ධ ප්‍රකාශයක් නිකුත් කිරීමටද පක්ෂ නායකයන් එකඟතාවයකට පැමිණ ඇති බවත් වාර්තා වනවා.
