මැණිකේ මගේ හිතේ ගීතය තුළින් මෙරට තුල සහ විදේශයන්හි ජනප්‍රියට පත් යොහානි දිලේකා ද සිල්වාගේ ජයග්‍රහණය වෙනුවෙන් රජය ඇයට හිමි නිසි ගෞරවය පුද කිරීමට නියමිත බව තරුණ හා ක්‍රීඩා අමාත්‍ය, සංවර්ධන සම්බන්ධීකරණ හා අධීක්ෂණ අමාත්‍ය සහ ඩිජිටල් තාක්ෂණ හා ව්‍යවසාය සංවර්ධන රාජ්‍ය අමාත්‍ය නාමල් රාජපක්ෂ මහතා පවසනවා.
යොහානි සහ සතීෂාන් ගයන එම ගීතය ගෝලීය වශයෙන් ජනප්‍රිය විමත් එයින් රටට ලද ආකර්ශනයත් විධිමත් ලෙස පිළිගැනීමකට ලක් කිරීමට මෙරට බලධාරීන් අපොහොසත් වීම පිළිබඳව සමාජ මාධ්‍ය ඔස්සේ ජනතාව ප්‍රශ්න කර තිබුණි.
ලොව පුරා විශාල ජනප්‍රියත්වයක් ලබා ඇති මෙම ගීතය මේ වන විට යූටියුබ් නැරඹුම්වාර මිලියන 123 ඉක්මවා ඇත.
ඩේලි මිරර් පුවත්පත කළ විමසීමකදී අමාත්‍ය නාමල් රාජපක්ෂ මහතා කියා සිටියේ කොවිඩ් තත්ත්වය හේතුවෙන් යොහානිට ප්‍රශංසා කිරීමට කිසිදු පොදු උත්සවයක් පැවැත්වීමට රජයට නොහැකි වූ බවයි.
කෙසේ වෙතත්, කොවිඩ් තත්ත්වය තවදුරටත් යහපත් වූ පසුව ඇය වෙනුවෙන් නිල වශයෙන් රාජ්‍ය උපහාර උත්සවයක් පැවැත්වෙන බවත් ඔහු පැවසීය.
යොහානි ලබා ඇත්තේ විශාල ජයග්‍රහණයක් බවත් තරුණ කටයුතු අමාත්‍යවරයා වශයෙන් ඇය වැනි වෙහෙස මහන්සි වී වැඩ කරන තරුණ දක්ෂ කලාකරුවම් දැක ගැනීමට කැමති බවත් යොහානි වැනි අයට අනෙකුත් තරුණ තරුණියන්ද උනන්දු කළ හැකි බවත් ඔහු පවසයි
“තරුණ තරුණියන් වැඩි දෙනෙක් ගෝලීය වශයෙන් ජනප්‍රිය වනවා දැකීමට අපි කැමතියි” යැයි ඔහු පවසයි.
Wingman Talent Management India සමඟයොහානි පසුගියදා ගිවිසුමකට එළැඹි අතර ඇයව කළමනාකරණය කරනු ලබන්නේ ඉන්දියාවේ සෝනු ලක්වානි විසිනි.
වින්ග්මන් ටැලන්ට් මැනේජ්මන්ට් යනු බොලිවුඩයේ ඉතා ප්‍රසිද්ධ පුද්ගලයින් කළමනාකරණය කරන ආයතනයකි.
