සජිත් ප්රේමදාසගේ ප්රධානත්වයෙන් සර්ව පාක්ෂික ආණ්ඩුවක් පිහිටුවීමට හැකි වුවහොත් තෙල් අර්බුදයට කඩිනමින් විසඳුම් ලබාදිය හැකි බව සමගි ජන බලවේගයේ පාර්ලිමේන්තු මන්ත්රී රාජිත සේනාරත්න පවසනවා.
රනිල් වික්රමසිංහගේ ආණ්ඩුවට කිසිදු ජාත්යන්තර පිළිගැනීමක් නොමැති බව පෙන්වා දෙන රාජිත සේනාරත්න පවසන්නේ එවැනි තත්වයක් තුළ ශ්රී ලංකාවට සහාය ලබාදීමට කිසිදු රටක් හෝ ජාත්යන්තර සංවිධානයක් ඉදිරිපත් නොවන බවයි.
එකම විසඳුම සර්ව පාක්ෂික ආණ්ඩුවක් පිහිටුවා, රටතුළ දේශපාලන ස්ථාවරත්වය ඇතිකර තිබෙන බවට ජාත්යන්තරයට සුබවාදී පණිවුඩයක් ලබාදීම බවත් ඔහු සඳහන් කරනවා.
සර්ව පාක්ෂික ආණ්ඩුවක් පිහිටුවන්නේ නම් සහන ණය යටතේ මැද පෙරදිග රටවලින් ඉන්ධන ආනයනය කිරීමේ අවස්ථාව හිමිවන බවත් මැද පෙරදිග රටවල පමණක් නොව යුරෝපා රටවලද සහාය ශ්රී ලංකාවට හිමිවනු ඇති බවත් මන්ත්රීවරයා ප්රකාශ කරනවා.