එන්නත්කරණ වැඩසටහනක දී සෞඛ්‍ය නිලධාරීන්ට බාධා කිරීම සම්බන්ධයෙන් පසුගිය දා බන්ධනාගාර ගත කළ මොරටුව නගරාධිපති සමන් ලාල් ප්‍රනාන්දුගේ ඇප ඉල්ලීම මොරටුව අතිරේක මහෙස්ත්‍රාත්වරයා විසින් ප්‍රතික්ෂේප කර තිබේ.
මෝසමක් ඉදිරිපත් කරමින් මොරටුව නගරාධිපතිවරයාගේ නීතිඥයින් එම ඇප ඉල්ලීම කර තිබුණි.
මොරටුව එන්නත්කරණ වැඩසටහනකදී වෛද්‍යවරයෙකුගේ රාජකාරියට බාධා කිරීමේ චෝදනා මත පොලීසියට භාරවීමෙන් අනතුරුව අත්අඩංගුවට ගත් මොරටුව නගරාධිපති සමන් ලාල් ප්‍රනාන්දු මහතා ජුනි මස 11 වනදා දක්වා රක්ෂිත බන්ධනාගාර ගත කරනු ලැබුවා. ඒ, ඔහුව මොරටුව මහේස්ත්‍රාත් අධිකරනය වෙත ඉදිරිපත් කිරීමෙන් අනතුරුවයි.
ඔහු පසුගිය 27දා මොරටුවේ සිදුකරන ලද එන්නත්කරණ වැඩසටහනට බාධා කර සෞඛ්‍ය වෛද්‍ය නිලධාරීවරියට තර්ජනය කරමින් පවසා සිටියේ තමන් නිකුත් කරන ලද ටෝකන්වලට පමණක් කොවිඩ් වැක්සීනය ලබාදෙන ලෙසයි. එසේ නොවන්නේ නම් අදාළ එන්නත්කරණ වැඩසටහන සිදුකරගෙන යෑමට තමන් ඉඩ ලබා නොදෙන බවට නගරාධිපතිවරයා දිගින් දිගටම තර්ජනය කර සිටියා.
එම අවස්ථාවේදී පොලිස් නිලධාරීන්ද එම සිදුවීම නරඹමින් පමණක් සිටීමද විශේෂත්වයක්.
පසුව එදින පස්වරුවේ ප්‍රවෘත්ති සාකච්ඡාවක් පවත්වමින් නගරාධිපතිවරයා පවසා සිටියේ අමාත්‍ය ජොන්ස්ටන් ප්‍රනාන්දු මහතා පවා අනුමත කර අනුගමනය කරන ටෝකන් ක්‍රමය සෞඛ්‍ය වෛද්‍ය නිලධාරිනිය කාබාසිනියා කල බවයි.
එමෙන්ම, මොරටුව නගරාධිපතිගේ හ්හැසිරීම සම්බන්ධයෙන් 28දා පෙරවරුවේ ජනාධිපති කාර්යාලයේදී පැවති කොවිඩ් මර්දන විශේෂ කමිටු රැස්වීම අමතමින් ජනාධිපති ගෝඨාභය රාජපක්ෂ මහතා ප්‍රකාශ කර සිටියේ එම ‘කැත දර්ශනයෙන්’ එන්නත්කරණ වැඩසටහනටම කැත නමක් එක් වූ බවයි,
අදාල ගැටුම පහතින්..
සබැඳි ලිපි..
