X Press Pearl නෞකාවෙන් සිදුවූ පාරිසරික හානිය සම්බන්දයෙන් වැරදි තොරතුරු සමාජගත කළ රාජ්‍ය අමාත්‍ය නාලක ගොඩහේවා මහතා ඔහුගේ වගකිම් වලින්ද ඉල්ලා අස්විය යුතු බව පූජ්‍ය ඕමල්පේ සෝභිත හිමි පවසනවා.
එම නෞකාව ගිනි ගැනීමෙන් අනතුරුව මෙරට මුහුදු තීරයට මෙන්ම පරිසරයට සිදුවූ දැවැන්ත හානිය පිළිබදව කිසිදු අවබෝධයක් නොමැතිව ඊට පක්ෂග්‍රාහීව අදහස් පළ කළ රාජ්‍ය අමාත්‍යවරයා හට නීතියෙන් දඩුවම් දිය යුතු බවයි උන්වහන්සේ ඇඹිලිපිටියේදී මාධ්‍ය වෙත අදහස් දක්වමින් සදහන් කළේ.
39 දෙනෙකුගෙන් යුත් විශේෂඥ කණ්ඩායමක් මඟින් මේ වනවිට සොයාගෙන ඇති පරිදි කැස්බෑවුන් 176ක්, ඩොල්ෆින් මත්ස්‍යයින් 20ක්, තල්මසුන් 4 දෙනෙකුගේත් ජිවිත අහිමි වීමට බලපෑ හේතුව එක්ස්ප්‍රස් පර්ල් නෞකාවෙන් නිකුත් වූ විෂ රසායන බවට තහවුරු කර ඇතත් රාජ්‍ය අමාත්‍ය නාලක ගොඩහේවා මහතා එය අර්ථකථනය කළේ එය වාරකන් කාලයට සිදුවන සිදුවීමක් ලෙස බවයි සෝභිත හිමියන් පෙන්වා දෙන්නේ.
