ඉහළ දැමුණු වැට් බදු, අත්යවශ්ය භාණ්ඩ සඳහා අදාළ නොවන බව දේශීය ආදායම් කොමසාරිස්වරුන්ගේ සංගමය පවසනවා.
එසේම, 2019 වසරේදී වැට් බද්ද අඩු කළ අවස්ථාවේදී පාරිභෝගික ජනතාවට සහනයක් නොලැබුණේ නම්, බදු වැඩි කිරීමේදීත් ඒ බර ජනතාව මතට පැටවීමක් සිදුනොවනු ඇති බවයි එහි සභාපති සරත් අබේරත්න පවසන්නේ.
2022 අතුරු අයවැය යෝජනාවලිය මුදල් අමාත්යවරයා ලෙස ජනාධිපති රනිල් වික්රමසිංහ විසින් ඊයේ පාර්ලිමේන්තුවට ඉදිරිපත් කළා.
එහිදී ක්ෂේත්ර රැසක් සම්බන්ධයෙන් රජයේ ආර්ථික ප්රතිපත්ති පිළිබඳ විවරණය කෙරුණු අතර ඒ ඒ ක්ෂේත්ර සඳහා ආදායම් උපයාගන්නා සහ වියදම් පියවාගන්නා යෝජනා ඉදිරිපත් කෙරුණා.
මේ අතර, ජල ගාස්තු සියයට 130 කින් ඉහළ දැමීම අද (01) සිට ක්රියාත්මක වනවා.
අවම ජල පරිභෝජනය වන ඒකක 5 ක් පරිභෝජනය කරන නිවසක් මීට පෙර ගෙවූ රුපියල් 123 ක ජල ගාස්තුව මෙම ඉහළ දැමීමත් සමඟ රුපියල් 448 ක් බවට පත්ව සියයට 264 කින් ඉහළ යනු ලබනවා.