වයඹ පළාතේ ජීවත්වන තමන්ට ඉදිරි වයඹ මහඇමති සටනේදී අග්‍රාමාත්‍ය මහින්ද රාජපක්ෂ මහතාගේ බාල පුත් රෝහිත රාජපක්ෂ මහතා අභියෝගයක් නොවන බව බතික්, අත්යන්ත්‍ර රෙදි හා දේශීය ඇඟළුම් නිෂ්පාදන රාජ්‍ය අමාත්‍ය දයාසිරි ජයසේකර මහතා පවසනවා.
රෝහිත රාජපක්ෂ මහතා කුරුණෑගලින් ඉදිරි මැතිවරණයට ඉදිරිපත්වීම සම්බන්ධයෙන් අදහස් දක්වමින් ඊයේ (13) කුරුණෑගල පැවති රැස්වීමකින් අනතුරුව දයාසිරි ජයසේකර මහතා මෙම අදහස් පලකළා.
වයඹ පළාතේ ඉපදුන තමන්ට එදා මෙන්ම අදත් වයඹ ජනතාව සලකන බවත් ඉදිරි මැතිවරණයේදීද එය එලෙසම සිදුවනු ඇති බවත් දයාසිරි ජයසේකර මහතා පවසනවා.
මෙහිදී පොහොර ගැටළුව සම්බන්ධයෙන්ද අදහස් දක්වමින් දයාසිරි ජයසේකර මහතා පැවසුවේ කාබනික පොහොර ගැටළුවට ඉක්මනින් විසදුමක් ලබානොදෙන්නේ නම් එය ජනාධිපතිවරයාව මෙන්ම ආණ්ඩුවද විනාශ කර දමන ප්‍රශ්නයක් බවට පත්වනු ඇති බවයි.
