පෘතුගාල ජාතික සුපිරි ක්‍රීඩක Cristiano Ronaldo සෞදි අරාබි ක්‍රීඩා සමාජයක් වන Al-Nassr සමඟ දෙකක් සඳහා ගිවිසුම් ගතව තිබෙනවා.
2025 දී අවසන් වන මෙම ක්‍රීඩක ගිවිසුමේ වසරක වටිනාකම යුරෝ මිලියන 200ක් බවයි වාර්තා වන්නේ.
නව ක්‍රීඩක ගිවිසුම සමඟින් ක්‍රීඩා සමාජ ඉතිහාසයේ වසරක දී වැඩිම වැටුපක් ලබන ක්‍රීඩකයා ලෙස රොනල්ඩෝ පත් වනවා.
පසුගිය මාස කිහිපයේ ඔහුගේ මෙම නව ගිවිසුම් ගත වීම සම්බන්ධයෙන් කතාබහක් ඇති වූ අතර එය නිල වශයෙන් අද (31) දිනයේ ප්‍රකාශයට පත් කළා.
එහිදී Al-Nassr කණ්ඩායම නිවේදනයක් නිකුත් කරමින් කියා සිටියේ ” ඉතිහාසය වෙනස් වෙනවා. මෙම නව බඳවා ගැනීම අපගේ ක්‍රීඩා සමාජයට පමණක් නොව අපගේ තරඟාවලියට විශාල වටිනාකමක් එක් කෙරෙනවා. ඒ වගේම අපේ රටේ පපන්දුවට ආදරේ කරන සියලු දෙනාට මේක හොඳ දිරි ගැන්වීමක්. ඔබගේ නව නිවහනට අපි සාදරයෙන් පිලිගන්නවා” යනුවෙනි.
නව කණ්ඩායමට එක්වීම සම්බන්ධයෙන් සුපිරි ක්‍රීඩක රොනල්ඩෝ ප්‍රකාශ කළේ ” යුරෝපා පාපන්දු පිටියේ මට ජයග්‍රහණය කරන්න ඕන වුණු සියලු දේ ජයග්‍රහණය කරන්න ලැබීම මගේ වාසනාවක් වගේම මගේ අත්දැකීම් ආසියාව තුළ බෙදා ගැනීමට මෙය සුදුසුම අවස්ථාව කියලා මට දැනෙනවා” ලෙසිනි.
