බියර් වෙළඳසැලකට පැමිණ මුදල් නොගෙවා බියර් ලබා ගැනීමට තැත් කළ පොලිස් කොස්තාපල්වරයෙකු වෙළඳසැල් සේවකයින්ගේ පහරකෑමට ලක්ව නිකවැරටිය රෝහලට ප්රතිකාර සඳහා ඇතුළත් කර ඇති බව කොබෙයිගනේ පොලීසිය පවසනවා.
පොලීසිය පවසන්නේ කොළඹ මධ්යම කොට්ඨාසයේ විශේෂ කාර්යාංශයට අනුයුක්තව රාජකාරි කරන පොලිස් කොස්තාපල්වරයෙක් මෙලෙස පහර කෑමට ලක්ව තිබෙන බවයි.
මෙම පොලිස් කොස්තාපල්වරයා ඔහුගේ මිතුරන් කිහිප දෙනෙකු සමඟ අදාළ බියර් හලට පැමිණ බලහත්කාරයෙන් බියර් ඉල්ලීමේදී මෙම ආරවුල ඇති වී ඇති බව පොලීසිය සදහන් කරනවා.
පහරකෑමෙන් අනතුරුව රෝහල් ගත කළ මෙම කොස්තාපල්වරයා පොලීසියට පවසා ඇත්තේ පහරදීම සිදුවන අවස්ථාවේදී තමන් පැලඳ සිටී රන් මාලයක් හා අත් පළඳනාවක් පහර දුන් පිරිස පැහැර ගත් බවයි.
එහෙත් පොලිසිය විසින් සිදුකළ ආරක්ෂිත කැමරා දර්ශන පරීක්ෂාවෙන් අනාවරණය වී ඇත්තේ පොලිස් කොස්තාපල්වරයා රන් භාණ්ඩ පැළඳ ගෙන එම ස්ථානයට නොපැමිණි බවයි.
මෙම සම්බන්ධයෙන් කොබෙයිගනේ පොලීසිය ඉදිරි විමර්ශන කටයුතු කරන සිදුකරනවා.