අවුරුදු 20ට වැඩි පුද්ගලයින් ලක්ෂ 60 කට අධික පිරිසක් බුස්ටර් එන්නත ලබා ගෙන නොමැති බව සෞඛ්ය අමාත්යංශය පවසනවා.
කොවිඩ් ආසාදිතයින් වාර්තා වීම යළිත් ඉහළ යාම හමුවේ බුස්ටර් එන්නත ලබා නො ගැනීම දැඩි අවදානම් තත්ත්වයක් පෙන්නුම් කරන බවයි වසංගත රෝග විද්යා අංශයේ අධ්යක්ෂ, විශේෂඥ වෛද්ය සමිත ගිනිගේ පෙන්වා දෙන්නේ.
කොවිඩ් මර්දන එන්නතේ මාත්රා දෙකක් පමණක් ලබා සිටින පුද්ගලයන්ගේ වෛරසය සඳහා මුහුණ දීමට පවතින ප්රතිශක්ති මට්ටම් හීන වෙමින් පවතින බවත් බූස්ටර් එන්නත ලබා දිය හැකි ෆයිසර් එන්නත් රජයේ සෞඛ්ය ගබඩා තුළ පවතින බවත් වෛද්යවරයා සඳහන් කරනවා.
එබැවින්, බූස්ටර් එන්නත ලබා දීමේ දී කිසිදු එන්නත් හිඟයක් නොමැති බැවින් බූස්ටර් එන්නත ලබා නොගත් පිරිස් අදාළ එන්නත් මාත්රාව ලබා ගැනීමට කඩිනමින් යොමු වන ලෙසයි වෛද්යවරයා ප්රකාශ ජනතාවගෙන් ඉල්ලා සිටින්නේ. අදාළ එන්නත් ලබා ගැනීම සඳහා අවශ්ය පහසුකම් සෞඛ්ය වෛද්ය නිලධාරි කාර්යාලවලින් හා රෝහල්වලින් ලබා ගැනීමට හැකියාව ඇතැයි ද ඔහු පවසනවා.
මේ අතර, කොවිඩ් ආසාදිතයින් 131 දෙනෙකු ඊයේ (28) මෙරටින් හඳුනා ගෙන තිබෙන අතර ඒ සමග මෙරටින් වාර්තා වූ සමස්ත කොවිඩ් ආසාදිතයින් සංඛ්යාව 665,379ක් දක්වා ඉහළ ගියා.