මෙරට සංවර්ධන කටයුතු සඳහා අවශ් වන වැලි වල හිඟයක් ඇති බව පරිසර අමාත්ය මහින්ද අමරවීර මහතා පවසනවා.
ඒ, පෙරේදා (14) පැවති මාධ්ය හමුවක් අමතමින්.
2021 සිට 2025 වර්ෂය දක්වා සිදු කෙරෙන සංවර්ධන කටයුතු සඳහා වැලි ඝන මීටර් මිලියන 55ක් අවශ්ය වන නමුත් මේ වන තෙක් හඳුනාගෙන ඇත්තේ මිලියන 41 ක් පමණක් බවයි ඔහු පෙන්වා දෙන්නේ.
එබැවින් වැලි ලබා ගැනිමේ විකල්ප හඳුනාගත යුතුව ඇති බවයි අමාත්යවරයා පවසන්නේ.
එමෙන්ම, වැව්වලින් හාරා ඉවත් කෙරෙන පස් ගෙන ගොස් තෙත් බිම් හා කළපු ගොඩ කිරීමේ ජාවාරමක් පිළිබඳ වාර්තා වී ඇති බවත් ඒ පිළිිබඳ සොයා බලන්නැයි පොලිසියට උපදෙස් දුන් බවත් අමාත්යවරයා පවසනවා. තවද, ඒ සම්බන්ධව වාර්තාවක් ලබා දෙන්නැයි භූ විදයා හා පතල් කැණීම් කාර්යංශයට ද උපදෙස් දුන් බවත් ඔහු පවසනවා.
මේ අතර, පිරිපහදු වැලි ඉතා සුළු ප්රමාණයක් වරින්වර අපනයනය කිරීම සඳහා අවසර ලබාදී ඇති බවයි භූ විද්යා සමීක්ෂණ හා පතල් කාර්යාංශය නිවේදනයක් නිකුත් කරමින් සඳහන් කර සිටියා. මාලදිවයින තුළ ඉදිකිරීම් කටයුතුවල නිරත ශ්රී ලාංකීය සමාගම්වලට යොදාගැනීම පිණිස මෙම පිරිපහදු වැලි එලෙස අපනයනය කර ඇති බවයි එම නිවේදනයේ දැක්වුණේ.
මේ වනවිට ආසන්න වශයෙන් කියුබ් 8ක්, කියුබ් 1ක් රුපියල් 180,000ක පමණ මුදලකට අපනයනය කරන බවයි තහවුරු වී ඇති බවයි අදාල නිවේදනයෙන් වැඩිදුරටත් පැවසුණේ.