චීන ව්‍යාපෘතියක් ලෙස ක්‍රියාත්මක වන කොළඹ වරාය නගරය හෙවත් පෝර්ට් සිටිය දැක බලාගැනීම සදහා පසුගිය නිවාඩු දින 4 හි විශාල ජනකායක් පැමිණි බව අප වාර්තාකරුවන් සදහන් කරනවා.
උදෑසන 9 ටත් පෙර සිටම එම ස්ථානයට ජනතාව එක්රැස්ව සිටින අතර සවස 6 දක්වා වන කාලය වන විට එම ස්ථානය ජනතාවගෙන් පිරී ඉතිරී යන බවයි ඔවුන් සදහන් කළේ.
ඉන් බොහෝ පිරිසක් සෞඛ්‍ය මාර්ගෝපදේශ සතයකට මායිම් නොකරමින් කටයුතු කරන බවත් ඇතැමුන්ට මුව ආවරණ පවා නොමැති බවත් වාර්තා වනවා.
පසුගිය 9 වනදා සිට කොළඹ වරාය නගරයේ මරීනා තොටුපල ආශ්‍රිත ප්‍රදේශය ජනතාවට දැකබලාගැනීමට විවෘත කෙරුණා.
ඒත් සමගම පැමිණි දීර්ඝ සති අන්ත නිවාඩුව හේතුවෙන් කොළඹ වරාය නගරයට මෙන්ම ඒ අසල ඇති One Galleface සුපිරි වෙළෙඳ සංකීර්ණයටද විශාල ජනතාවක් පැමිණුනා.
