ජුලි 13 වැනිදා අග්‍රාමාත්‍ය කාර්යාලය අරගලකරුවන් අත්කර ගැනීමේදී එම ස්ථානයේ හමුදා ප්‍රධානියා වශයෙන් කටයුතු කළ කොළඹ 112 බළසේනාධ්පති ලෙස කටයුතු කළ බ්‍රිගේඩියර් අනිල් සෝමවීරව අද (15) සිට සියලුම රාජකාරිවලින් ඉවත් කර තිබෙනවා.
ඒ සදහා හේතුවී ඇත්තේ අගමැති කාර්යාලය අත්පත් කරගැනීමේ අවස්ථාවේදී අරගලකරුවන්ට වෙඩි නොතබන බවට හා රාජ්‍ය දේපලවලට හානි නොකරන ලෙස ඔහු කරන ලද දැනුම්දීමයි.
මීට අමතරව බ්‍රිගේඩියර් සෝමවීර අසල සිටි සිංහ රෙජිමේන්තුවේ 12 වන බළාඇණියේ අණදෙන නිළධාරි ලුතිනන් කර්නල් පී.එච්.ජී.පී ගුණවර්ධනවද රාජකාරියෙන් ඉවත් කර තිබෙනවා.
මෙම නිලධාරීන් දෙදෙනා අරගලකරුවන්ට හානි නොකරන බවට දැක්වෙන වීඩියෝවක් පසුගිය දින කිහිපයේ සමාජ මාධ්‍ය තුළ දැඩිව සංසරණය වුණා.
එම නිලධාරීන් දෙදෙනාගේ ක්‍රියාකලාපය සාමාන්‍ය ජනයාගේ ප්‍රශංසාවට හේතුවුවද වැඩබලන ජනාධිපතිවරයාගේ කෝපයට හේතුවී තිබෙනවා.
අදාළ නිලධාරීන් මෙලෙස අන්තනෝමතිකව ඉවත්කිරීම සම්බන්ධයෙන් විධිමත් පරීක්ෂණයක් කරන ලෙස ඉල්ලා තරුණ ජනමාධ්‍යවේදීන්ගේ සංගමය ශ්‍රී ලංකා මානව හිමිකම් කොමිසමට ලිපියක් යොමුකර තිබෙනවා.
