ශ්‍රී ලංකා දඟ පන්දු යවන වනිඳු හසරංග වෙනුවට විජයකාන්ත් විශ්වනාත්ට සන්රයිස් හයිද්‍රාබාද් පිලට එක් කර ගැනීමට ඊයේ (09)සාකච්ඡා ආරම්භ කර තිබෙනවා.
වියස්කාන්ත් දැනටමත් සන්රයිස් හයිද්‍රාබාද් පිලේ ‘නෙට් බෝලර්’ලෙස පුහුණුවීම් කටයුතුවලට සහභාගී වෙමින් සිටින අතරතුරදී මේ අදහස මතුව තිබෙන බවයි සඳහන් වන්නේ.
වනිඳු ඉන්දීය රුපියල් කෝටි 10.75ක මුදලකට (ශ්‍රී ලංකා රුපියල් කෝටි 39කට) සන්රයිස් හයිද්‍රාබාද් පිල මිල දී ගත්තද, බංග්ලාදේශ ක්‍රිකට් සංචාරයේදී ඇති වූ ආබාධය හේතුවෙන් අයිපීඑල් තරගාවලියට සහභාගී නොවන බව ඔහු දැනුම්දී තිබෙනවා.
පසුගිය අයිපීඑල් තරගාවලියේ යාපනය කිංග්ස් කණ්ඩායමේ පා දඟ පන්දු යවන ක්‍රීඩක විජයකාන්ත් වියස්කාන්ත් බංග්ලාදේශ ප්‍රීමියර් ලීග් ක්‍රිකට් තරගාවලියේ චිතගොන් චැලෙන්ජර්ස් කණ්ඩායමට ක්‍රීඩා කළා.
නිමා වූ ලංකා ප්‍රිමියර් ලීග් තරගාවලියේ යාපනය කිංග්ස් වෙනුවෙන් ඉනිම් 8කදී කඩුලු 13ක් දවාගත් වියස්කාන්ත් තරගයේ නැඟී එන ක්‍රීඩකයා සම්මානය දිනා ගත්තා.
