රටට මෙතරම් අර්බුදකාරී තත්ත්වයක් ඇතිවේයැයි තමන් බලාපොරොත්තු නොවූ බව ප්රවීණ සංගීතවේදී රෝහණ බැද්දගේ මහතා පවසනවා.
රෝහණ බැද්දගේ මහතා වත්මන් රජය යටතේ මාලදිවයින් රාජ්යයේ තානාපතිවරයා ලෙසද කටයුතු කළ අයෙක්.
“රට යන විදියට අපිට හැඩගැහෙන්න කියලයි කියලා තියෙන්නේ. ඒ්ක ලොකුම ප්රශ්නයක් තමයි. මේ තත්ත්වය දේශපාලනය එක්ක සම්බන්ධයි. අපි මෙහෙම දෙයක් වෙයි කියලා හිතුවෙ නැහැ. අපි මේ රජය වෙනුවෙන් කතාකළ බව ඇත්ත. ප්රශ්නය මේ තත්ත්වයට ගොඩක් දේවල් බලපෑවා. කොවිඩ් වසංගතය ආවා. තවත් බොහෝ ප්රශ්න ආවා. විරෝධතා ආදියත් බලපෑවා. ඒ නිසා ටික ටික රට වැටෙන්න ගත්තා. වැටුණු රට ගොඩගැනීම තමයි දැන් තිබෙන ප්රශ්නය. හැම දෙයක්ම අද ප්රශ්නකාරී වෙලා.
ගොවීන්ගේ ප්රශ්න, කම්කරුවන්ගේ ප්රශ්න, සාමාන්ය ජනජීවිතයේ ප්රශ්න වගේ ප්රශ්න රාශියක් අද ගොඩගැහිලා. ගෑස් නෑ, තෙල් නෑ, කිරිපිටි නෑ. මේ නිසා මිනිස්සුන්ට ජීවත්වීමට බැරි තත්ත්වයක් ඇවිත්. ආනයන අපනයන කෙරෙන්නේ නැහැ. ඒයින් ආදායමක් නැහැ. ඩොලර් නැහැ. ලොකු ප්රශ්නයකට රට වැටිලා තියෙන්නේ. ගොඩගන්න එක අමාරුයි. හැම තැනටම ණය වෙලා තියෙන්නේ. මේවාට විසදුම් සොයන්න කමිටු පත්කරලා වැඩක් නැහැ. අද බැංකුවලටත් ප්රශ්න. මිනිස්සු ණය ගත්ත ඒව ගෙවාගන්න බැහැ. අලුතින් ණය දෙන්නේ නැහැ. ලොකු ප්රශ්නයක් අද තියෙන්නේ. මිනිස්සුන්ගේ දුක අපිට දැනෙනවා. ඇත්ත තත්ත්වය අපිට කියන්න බැරිකමක් නැහැ.”