වෙළඳපොලේ ගෑස් හිඟයකට ඉඩ නොතබන බවත්, ගෑස් පාරිභෝගිකයන් අසරණවීමට ඉඩ නොතබන බවත් ලිට්රෝ ගෑස් සමාගම පවසනවා.
ලිට්රෝ සමාගමේ සභාපති තෙෂාර ජයසිංහ මහතා නිවේදනයක් නිකුත් කරමින් පවසන්නේ ඕනෑම වර්ණයක ගෑස් සිලින්ඩරයක් සඳහා ගෑස් සැපයීමට තම සමාගම තීරණය කර ඇති බවයි.
ණය පහසුකම් ලබාදීම බැංකු විසින් අත්හිටුවීම හේතුවෙන් ගෑස් ආනයනය නතර කිරීමට ඉඩ ඇති බවට ලාෆ්ස් ගෑස් සමාගම දැනුම් දී ඇති අතර මේ නිසා ලාෆ්ස් සමාගමේ ගෑස් පාරිභෝගිකයන් ඉදිරියේදී අර්බුදයකට ලක්වීමේ තත්වයක් නිර්මාණය වී ඇත.
ලිට්රෝ සභාපතිවරයා වැඩිදුරටත් පවසන්නේ වෙළඳපොල අවශ්‍යතාවය සම්පූර්ණ කිරීම සඳහා අවශ්‍ය ගෑස් තොග තම සමාගම සතුව පවතින බවයි. ඉල්ලුම වැඩිවන ඕනෑම අවස්ථාවක ගෑස් ආනයනය කිරීමට සූදානම් බවද තෙෂාර ජයසිංහ මහතා පවසනවා.
