කඩිනමින් විදේශ විනිමය උපයා ගැනීම සඳහා දෙස් – විදෙස් ආයෝජකයින්ට කර්මාන්ත ක්ෂේත්රයේ ඉඩ ප්රස්ථා පුළුල් කළයුතු බව ජනාධිපති ගෝඨාභය රාජපක්ෂ පවසනවා.
ඒ, ජනාධිපතිවරයාගේ ප්රධානත්වයෙන් කර්මාන්ත අමාත්යාංශයේ ප්රගති සමාලෝචන රැස්වීම ඊයේ (16) පෙරවරුවේ කොළඹ,කොටුව ජනාධිපති මන්දිරයේදී පැවැති සාකච්ඡාවකදීයි.
විදේශ විනිමය ඉපැයිය හැකි කර්මාන්ත හඳුනාගෙන ඒවායේ උන්නතිය වෙනුවෙන් ගතයුතු ඉදිරි වැඩපිළිවෙළ කඩිනමින් සකස් කළ යුතු බවයි ජනාධිපතිවරයා මෙහිදී පෙන්වා දී ඇත්තේ.
විදේශ විනිමය අර්බුදය හමුවේ කර්මාන්තකරුවන් මුහුණදෙන අභියෝග සහ පිළියම් පිළිබඳවද දීර්ඝ වශයෙන් සාකච්ඡාවට ලක්වුණි.
අපනයන කර්මාන්ත ආශ්රිතව උපයන විදේශ විනිමය සෘජුව අමුද්රව්ය ආනයනය සඳහා යොදා ගැනීමට ඇති හැකියාව සොයා බලන ලෙස ද ජනාධිපතිවරයා මෙහිදී නිලධාරීන්ට උපදෙස් දී තිබේ.
ඒ අනුව ජනාධිපතිවරයා පෙන්වා දුන්නේ කර්මාන්ත සඳහා අනුමැතිය ලබාදෙන සියලු ආයතන එකම මේසයක සිට පවතින ගැටලු සඳහා විසඳුම් සෙවීමට පියවර නොගතහොත් ආයෝජකයින් දිනාගත නොහැකි බවය.
මෙහිදී අදහස් දැක්වූ කර්මාන්ත අමාත්ය රමේෂ් පතිරණ මහතා පැවසුවේ මෙරට මැණික් සහ ස්වර්ණාභරණ කර්මාන්තයේ දියුණුවට බාධාවක් වී ඇත්තේ මැණික් සහ ස්වර්ණාභරණ අධිකාරිය බවය.
“හොංකොංවල එක මැණික් ගලක්වත් නෑ. එක්ස්පෝර්ට් මාකට් එකේ වාර්ෂික ආදායම බිලියන 35 පැනලා. තායිලන්තයේ දෙවැනි එක වාර්ෂික ආදායම බිලියන 15යි. අපේ කීයද අපේ 297යි ගිය අවුරුද්දේ. ලංකාවේ මේවා දියුණු වෙන්නේ නැත්තේ ඇයි. මේවා සියල්ලම මට හිතෙන්නේ.. මැණික් සහ ස්වර්ණාභරණ කර්මාන්තයේ දියුණුවට බාධාවක් වී ඇත්තේ මැණික් සහ ස්වර්ණාභරණ අධිකාරිය කියන එකයි. ඒ අධිකාරියක් හදලනේ තියෙන්නේ. ඇයි ශ්රී ලංකාවේ ඇඟලුම් මේ විදියට වර්ධනය වෙන්නේ. ඇඟලුම්වල ස්වයං නියාමයනක් තියෙන්නේ. ආණ්ඩුවෙන් කවුරුත් ඇඟිලි ගහන්නේ නෑ.”
මේ අතර දකුණු කොරියානු තානාපති ජියෝන්ග් වුන්ජින් මහතා අද පස්වරුවේ ජනාධිපතිවරයා මුණ ගැසුණි.
එහිදී තානාපතිවරයා ප්රකාශ කර ඇත්තේ, පවතින ආර්ථික අර්බුදය විසඳා ගැනීමට තම රජයේ පූර්ණ සහාය ශ්රී ලංකාවට ලබාදෙන බවය.
මෙරට තරුණයින්ට සිය රටින් ලබාදෙන රැකියා අවස්ථා සංඛ්යාව වැඩි කරගැනීම හා ව්යවසායකයින්ට කර්මාන්ත ක්ෂේත්රයේ ආයෝජනය සඳහා ඇරයුම් කරන ලෙස ජනාධිපතිවරයා මෙහිදී ඉල්ලීමක් කර ඇත.