විල්ගමුව පොලිස් ස්ථානයේ මාර්තු 25 වනදා අතුරුදන් වූ ටී 56 ගිනි අවිය සොරා ගත් බවට පුද්ගලයෙකු ඊයේ ( 24) සවස් කාලයේදී අරලගන්විල ප්රදේශයේදී අත්අඩංගුවට ගෙන තිබෙන බව පොලිසිය පවසනවා.
මෙලෙස අත්අඩංගුවට ගත් සැකකරු වයස අවුරුදු 36ක් වූ 10 යාය, නුගගොල්ල ප්රදේශයේ පදිංචිකරුවෙක්.
විල්ගමුව, කොන්ගහමුල හන්දිය අසල බුදු මැදුරේ බුදුපිළිමයට පිටුපසින් ටී 56 වර්ගයේ ගිනි අවියක් ඇති බවට ඊයේ විල්ගමුව පොලිසියට තොරතුරක් ලැබි තිබුණා.
ඒ අනුව එම ගිනි අවිය අත්අඩංගුවට ගෙන විමර්ශනය කිරීමේදී විල්ගමුව පොලිස් ස්ථානයේ අතුරුදන් වූ ගිනි අවිය බවට තොරතුරු අනාවරණය වු බව පොලිසිය තවදුරටත් සඳහන් කළා.
විල්ගමුව පොලිසිය මේ පිළිබඳව වැඩිදුර විමර්ශන කරනවා.