ජනප්රිය නවක ගායිකා යොහානි දිලෝකා ද සිල්වා ඇගයීම සඳහා වන වැඩසටහනක් හෙට දිනයේ (23) පාර්ලිමේන්තු පරිශ්රයේදී පැවැත්වීමට නියමිතව තිබූ නමුත් එම වැඩසටහන හෙට දින නොපවත්වන බව පාර්ලිමේන්තු ආරංචි මාර්ග සඳහන් කර සිටිනවා.
නොවැළක්විය හැකි හේතුවක් මත එම වැඩසටහන අවලංගු වූ බවයි News 19 පාර්ලිමේන්තු ආරංචි මාර්ග පවසා සිටියේ.
යොහානි දිලෝකා ද සිල්වා විසින් ප්රතිගායනා කරනු ලැබූ “මැණිකේ මගේ හිතේ” ගීතය මේ වන විට දේශීය හා විදේශීය වශයෙන් ජනාදරයට පත්ව ඇති බැවින් ඇය මෙරටට ගෙන ආ ගෞරවය වෙනුවෙන් පාර්ලිමේන්තු මන්ත්රීවරියන්ගේ සංසදය විසින් මෙම උත්සවය සංවිධානය කර තිබූ අතර මේ අවස්ථාවට ගරු අග්රාමාත්ය මහින්ද රාජපක්ෂ, ගරු කථානායක මහින්ද යාපා අබේවර්ධන, පාර්ලිමේන්තු මන්ත්රීවරියන්ගේ සංසදයේ සභාපති ප්රාථමික සෞඛ්ය සේවා, බෝවන රෝග සහ කොවිඩ් 19
නිවාරණය පිළිබඳ රාජ්ය අමාත්ය, විශේෂඥ වෛද්ය සුදර්ශනී ප්රනාන්දුපුල්ලේ යන මහත්ම මහත්මීන් ඇතුළු මැති ඇමතිවරුන් පිරිසක් සහභාගිවීමට නියමිතව තිබුණා.