අධ්‍යාපනය වෙනුවෙන් වෙන්වූ රූපවාහිනී නාලිකා විස්සක් ආරම්භ කිරීමට සැලසුම් කර ඇතැයි ජනමාධ්‍ය අමාත්‍ය කැබිනට් ප්‍රකාශක කෙහෙලිය රඹුක්වැල්ල මහතා පවසනවා.
කුණ්ඩසාලේ ප්‍රාදේශීය ලේකම් කාර්යාලයේ පැවැති සමෘද්ධි ශිෂ්‍යත්ව ප්‍රදානෝත්සවයකට එක්වෙමින් අමාත්‍යවරයා සදහන් කළේ මේ යටතේ පළමුවන ශ්‍රේණියේ සිට දහතුන්වන ශ්‍රේණිය දක්වා නාලිකා දහතුනක්ද, පිරිවෙන් අධ්‍යාපනය සඳහා වෙන්වූ නාලිකා දෙකක්ද ආරම්භ කිරීමට නියමිත බවයි.
කෙසේ වෙතත් ජුනි මස 06 වනදා පැවති පාර්ලිමේන්තු රැස්වීමේදී ක්‍රීඩා අමාත්‍ය නාමල් රාජපක්ෂ මහතා සඳහන් කළේ Zoom යෙදුම (App) වෙනුවට දරුවන්ට ඩේටා ගාස්තු නොමැතිව භාවිතා කළ හැකි යෙදුමක් (App) සති කිහිපයකින් ලබාදෙන බවයි.
එම ප්‍රකාශය සිදුකර මේ වන විට මාසයකට වැඩි කාලයක් ගතව ඇතත් තවමත් කිසිදු ආකාරයට ඩේටා ගාස්තු රහිත යෙදුමක් දරුවන්ගේ අධ්‍යාපනය වෙනුවෙන් ලබාදීමට රජය ක්‍රියාකර නැහැ.
