උදය ගම්මන්පිළ මහතාට එරෙහි විපක්ෂය ඉදිරිපත් කළ විශ්වාසභංග යෝජනාවට එරෙහිව විපක්ෂයේම මන්ත්රීවරුන් දෙදෙනෙක් පමණ ඡන්දය පලකිරීමට නියමිත බව අමාත්ය මහින්දානන්ද අලුත්ගමගේ මහතා පවසනවා.
ඒ මහතා මේ බව ප්රකාශ කර සිටියේ බලශක්ති අමාත්ය උදය ගම්මන්පිල මහතාට එරෙහිව සමගි ජනබලවේගය විසින් ඉදිරිපත් කළ විශ්වාසභංග යෝජනාව අද (19) දින පාර්ලිමේන්තුවේදී විවාදයට ගැනීමට සහභාගී වෙමින්.
විශාල පිරිසක් නොවුනත් විපක්ෂයේ එක් අයෙකු හෝ දෙදෙනෙකු අවම තරමින් රජයට පක්ෂව ඡන්දය ල්බා දෙනු ඇති බවයි අමාත්යවරයා පවසන්නේ.
මෙම විශ්වාසභංගය විපක්ෂය විසින් ගෙන ආවේ රජය අපහසුතාවයට පත් කිරීමට බවත්, සාමාන්යයෙන් රජයට ලැබිය යුතු ඡන්ද ප්රමාණය 155ක් වූවද ඊට වැඩි ඡන්ද ගණනකින් විශ්වාසභංගය පරාජය කරන බවට් අමාත්යවරයා අවධාරනය කර සිටිනවා.
උදය ගම්මන්පිළ යනු විෂය පිළිබඳ හසල දැනුමක් ඇති පරිණත දේශපාලඥයකු බවත් වසර 5ක ධූරකාලය තුල ඔහු ඛණිජ තෙල් නීතිගත සංස්ථාව රැගෙන යන තැන සියල්ලන්ටම දැකගත හැකිවනු ඇති බවත් අමාත්ය මහින්දානන්ද අලුත්ගමගේ මහතා පවසනවා.