තමන් හට දේශපාලනයට පිවිසීමේ කිසිදු උවමනාවක් නොමැති බවට නිවේදනයක් නිකුත් කරමින් හිටපු ජනාධිපතිනි චන්ද්රිකා බණ්ඩාරනායක කුමාරතුංග මහත්මියගේ පුත් විමුක්ති කුමාරතුංග මහතා පවසනවා.
නිවේදනයක් නිකුත් කරමින් ඒ මහතා පවසන්නේ ප්රබල දේශපාලන පවුලක පුතෙකු ශ්රී ලංකා දේශපාලන කරලියට පිවිසීම සඳහා අවශ්ය පසුබිම සකස් කරමින් පවතින බවට පසුගිය දිනවල පලකර තිබූ මාධ්ය වාර්තා හා තමන් අතර කිසිම සම්බන්ධයක් නොමැති බවයි.
තමන් ඉකුත් වසර 21 පුරා මෙන්ම තවදුරටත් පශු වෛද්යවරයෙකු ලෙස තම වෘත්තිය සිදුකරමින් පශු අක්ෂි වෛද්ය විද්යාව සම්බන්ධ විශේෂඥ පුහුණුව සඳහා සම්පූර්ණයෙන් කැපවී එක්සත් රාජධානියේ සේවය කරමින් සිටින බව විමුක්ති කුමාරතුංග මහතා පවසනවා.
තවද තමන් මාතෘ භූමියට ආදරය කරන බවත් තමන්ගේ පෞද්ගලික හැකියාවන් තුළින් වැදගත් වෙතැයි සිතන සමාජ සේවා කටයුතු පිළිබඳව අන් අය දැනුවත් කිරීම සහ ඒවා වෙනුවෙන් කටයුතු කිරීමට බලාපොරොත්තු වන බවත් ඔහු සදහන් කරනවා.
කෙසේ වෙතත් ශ්රී ලංකාවේ දේශපාලනයේ නිරත වීමට ඔහුගේ කිසිම අදහසක් පැහැදිලිවම නොමැති බැවින් අනාගතයේ ශ්රී ලංකාවේ දේශපාලඥයෙකු ලෙස තමන් කටයුතු කිරීමට බලාපොරොත්තු වන බවට පළ වන වාර්ථා සම්පූර්ණයෙන් බැහැර කරන මෙන් සියලු දෙනාගෙන් ඉල්ලා සිටින බවද නිවේදනයේ සදහන්.
එමෙන්ම ගෞරවණිය, සරල සහ අප්රකට ජීවිතයක් ගත කිරීමට තමන් දැඩි උත්සාහයක් දරා ඇති බැවින් තමන්ගේ පෞද්ගලිකත්වයට ගරු කරන මෙන් මම ශ්රී ලාංකේය මාධ්යවලින් සහ මහජනතාවගෙන් ඉතා කාරුණිකව ඉල්ලා සිටින බවද නිවේදනයේ වැඩිදුරටත් සදහන් කර තිබෙනවා.