පොදු ස්ථානවලට පිවිසීමේදී එන්නත් කාඩ්පත අනිවාර්ය වන්නේ අවුරුදු 30ට වැඩි පුද්ගලයන්ට පමණක් බව යුද හමුදාපති ජනරාල් ශවේන්ද්‍ර සිල්වා පවසනවා.
සැප්තැම්බර් 15 දා සිට මෙම නීතිය ක්‍රියාත්මක වන බවත් ඉන් පසු පොදු ස්ථානවලට ජනතාවට පැමිණීමේදී ඔවුන්ගේ එන්නත් කාඩ්පත පරීක්ෂා කරන බවත් යුද හමුදාපතිවරයා අවධාරණය කරනවා.
මේ අතර, සෞඛ්‍ය මාර්ගෝපදේශ කඩ කරමින් පළාත් අතර සංචරණ පුද්ගලයින් පරීක්ෂා කිරීමට පොලීසියට සහාය දැක්විම සඳහා ත්‍රිවිධ හමුදාව කැඳවා ඇති බව පොලිස් මාධ්‍ය ප්‍රකාශයක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසනවා.
මේ වන විට බස්නාහිරට ඇතුළුවන හා පිටවන සියලු ස්ථාන ආවරණය කරමින් මෙහෙයුම් ක්‍රියාත්මක බවයි ඔහු පවසන්නේ.
කොවිඩ් ව්‍යාප්තියේ සීඝ්‍ර වැඩිවීමෙක් පවතින හෙයින් සංචරණ සීමාවලට අනුගතව කටයුතු කරන ලෙසත් පළාත් අතර සංචරණය කළ හැක්කේ අත්‍යාවශ්‍ය සේවා වල පුද්ගලයින්ට පමණක් බවත් පොලිස් මාධ්‍ය ප්‍රකාශකවරයා පවසනවා.
