දෙරණ මාධ්‍ය ජාලයට අයත් ‘TV Derana’ නිල Youtube නාලිකාවට හැකර් ප්‍රහාරයක් එල්ල වූයේ පෙරේදා (29) දිනයේයි.
මේ වන විට එම නාලිකාව අතුරුදන්ව පවතිනවා.
කෙසේ වෙතත් මේ සම්බන්ධයෙන් අදහස් දක්වමින් එම නාලිකාවේ මාධ්‍යවේදී හසිත විජේවර්ධන පවසන්නේ සිදුවූ සිද්ධිදාමය හේතුවෙන් එම නාලිකාව මෙසේ අක්‍රීය වී ඇති බවයි.
පසුගියදා සිදුවූ හැකර් ප්‍රහාරයෙන් අනතුරුව එම Youtube නාළිකාවේ ප්‍රදර්ශනය කරමින් තිබූ දෙරණ නාළිකාවේ නිල ලාංඡනය ඉවත්කොට Twitter සමාජ ජාල අඩවියේ ලාංඡනයක් ප්‍රදර්ශනය කිරීමට හැකර්වරු කටයුතු කළ අතර Twitter සමාගමේ ප්‍රධාන විධායක නිලධාරී Jack Dorsey සහභාගීවන සජීවී වැඩසටහනක් එම නාලිකාව හරහා විකාශය කිරීමට කටයුතු කළා.
එමෙන්ම, එම නාලිකාවේ මෙතෙක් කලක් තිබූ සියලුම වීඩියෝ සියල්ල එය තම ග්‍රහණයට ගත් හැකර්වරුන් විසින් මකා දැමූ අතර නාලිකාවේ නමද වෙනස් කොට ‘TV Derana’වෙනුවට ‘Crypto News’ ලෙස යොදනු ලැබුවා.
කෙසේ වෙතත් අදාල ආයතනය දැරූ උත්සහයේ ප්‍රතිඵලයක් ලෙස පසුව එම යූටියුබ් නාලිකාව නැවත ලබාගැනීමට ඔවුන්ට හැකි වුනත් මේ වන විට එම නාලිකාව යූ ටියුබ්හි දක්නට ලැබෙන්නේ නෑ.
