තොටළඟ එල්ලේ ක්රීඩා කණ්ඩායමේ නායකයා මරා දැමීමේ සිද්ධියට අදාළව යුද හමුදා ගැමුණු හේවා බලකායේ මෝදර කඳවුරේ අණදෙන නිලධාරී ලුතිනන් කර්නල්වරයා, කොප්රල්වරයා ඇතුළු සැකකාර යුද හමුදා සාමාජිකයින් 15 දෙනා සහ මියගිය එල්ලේ ක්රීඩකයාගේ බිරිද ලබන 15 වැනිදා තෙක් රක්ෂිත බන්ධනාගාර ගත කරන ලෙස කොළඹ අතිරේක මහේස්ත්රාත් ලෝචනා අබේවික්රම මහත්මිය අද (01) නියෝග කළා.
ඒ ඝාතන සිද්ධියට අදාළව යුද හමුදා ගැමුණු හේවා බළකායේ මෝදර කඳවුරේ අණදෙන නිලධාරී ලුතිනන් කර්නල් අනූජ සමන්ත තිලකරත්න, මියගිය එල්ලේ ක්රීඩකයාගේ බිරිඳ වන ග්රාමනිලධාරිනිය, කෝප්රල්වරයා ඇතුළු යුද හමුදා සාමාජිකයන් 15 දෙනෙකු බන්ධනාගාරය මගින් අධිකරණය අද අධිකරණයට ඉදිරිපත් කළ අවස්ථාවේයි.
මෙම සැකකාර හමුදා නිලධාරින් බුද්ධි නිලධාරීන් වන බැවින් ඔවුන්ට බන්ධනාගාරය තුළ විශේෂ ආරක්ෂාවක් සපයන ලෙස බන්ධනාගාර අධිකාරිවරයාට නියෝග නිකුත් කරන මෙන් සැකකරුවන් වෙනුවෙන් පෙනී සිටි නීතිඥවරුන් අධිකරණයෙන් ඉල්ලීමක් කළද අතිරේක මහේස්ත්රාත්වරිය එම ඉල්ලීමද ප්රතික්ෂේප කළා.
එම ඉල්ලීම ප්රතික්ෂේප කරමින් අතිරේක මහෙස්ත්රාත්වරිය කියා සිටියේ සැකකරුවන් මෙම අපරාධය බුද්ධි මෙහෙයුමකින් සිදුකරන ලද්දක් නොවන බැවින් තමා එවැනි නියෝගයක් නිකුත් නොකරන බවයි.
තොටළඟ එල්ලේ කණ්ඩායමේ නායකයා වශයෙන් සිටි රාගම බටුවත්තේ පදිංචි අකිල සම්පත් රත්නසිරි නැමැති 37 හැවරිදි තිදරු පියෙක් අගොස්තු මස 17 වන දින පැහැරගැනීමෙන් අනතුරුව ඝාතනය කර සිරුර අත්පා ගැට ගසා කැළණි ගඟට දමා තිනු අතර එය 20 වනදා මට්ටක්කුලිය කාක්ක දුපතට ගොඩ ගසා තිබුණා.