ජනාධිපති ගෝඨාභය රාජපක්ෂ, අග්‍රාමාත්‍ය මහින්ද රාජපක්ෂ, මුදල් අමාත්‍ය බැසිල් රාජපක්ෂ, වාරිමාර්ග අමාත්‍ය චමල් රාජපක්ෂ යන මහත්වරුන්ගේ පරලෝ සැපත් මෑණියන්වන දෝන දන්දිනා රාජපක්ෂ මැතිණියගේ නමින් පාරක් නම් කර තිබෙනවා.
ඇඹිලිපිටිය කොන්ක්‍රීට් යාඩ් මාවත කාපට් අතුරා සංවර්ධනය කිරීමෙන් අනතුරුව “දෝන දන්දිනා රාජපක්ෂ මාවත” ලෙස නම් කිරීම අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් සිදු කෙරුණා.
ඒ දන්දිනා රාජපක්ෂ මැතිණියගේ 41 වන ගුණානුස්මරණයට සමගාමීවයි.
එම ගුණානුස්මරණ උත්සවය පසුගියදා අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් ඇඹිලිපිටිය ඩී.ඒ.රාජපක්ෂ සම්මන්ත්‍රණ ශාලාවේදී පැවැත්වුණා.
මීට පෙර මහින්ද රාජපක්ෂ මහතා ජනාධිපති ධූරය දරන සමයේදී රාජපක්ෂවරුන්ගේ දෙමාපියන් වන ඩී.ඒ. රාජපක්ෂ හා දන්දිනා රාජපක්ෂ මහත්මිය සිහිපත් කරමින් කෞතුකාගාරයක්ද ඉදිකළා.
එම කෞතුකාගාරය ඉදිකිරීම සම්බන්ධයෙන් එවක ආරක්ෂක ලේකම් ගෝඨාභය රාජපක්ෂ මහතා ඇතුළු විත්තිකරුවන් හත් දෙනෙකුට එරෙහිව නීතිපතිවරයා විසින් නඩුවක් ගොනු කළා.
ඒ රුපියල් මිලියන තිස් හතරකට ආසන්න රජයේ මුදලක් සාවද්‍ය ලෙස පරිහරණය කළේ යැයි වන චෝදනාවකටයි.
