ජනාධිපති ගෝඨාභය රාජපක්ෂ සහ පාර්ලිමේන්තුවේ ස්වාධීනවීමට තීරණය කළ මන්ත්‍රීවරුන් 41 දෙනා අතර සාකච්ඡාවක් අද (10) පස්වරුවේ පැවැත්වුණා.
එහෙත් එම සාකච්ඡා එකඟතාවකින් තොරව අවසන් වූ බව වාසුදේව නානායක්කාර මහතා පවසනවා.
මෙම සාකච්ඡාවේදී අන්තර්කාලීන ආණ්ඩුවක් පිළිබඳ යෝජනා ගැන ස්ථිර සාකච්ඡාවක් සිදු නොවූ බවත් සැබවින්ම වැදගත් කිසිදු දෙයක් සාකච්ඡා නොවූබවත් අමාත්‍යවරයා සදහන් කළා.
කෙසේ නමුත් ඉදිරි දිනයකදී යළිත් සාකච්ඡා කිරීමට මෙම කණ්ඩායම එකගතාව පළකළ බව වාසුදේව නානායක්කාර මහතා පවසනවා.
මේ අතර අන්තර් කාලීන ආණ්ඩුවක් පිහිටුවීම සඳහා ලබාදුන් යෝජනාවලිය සම්බන්ධයෙන් ජනාධිපතිවරයා සහ ශ්‍රී ලංකා නිදහස් පක්ෂය ඇතුළු පාර්ලිමේන්තුවේ දී ස්වාධීන වූ ශ්‍රී ලංකා පොදුජන පෙරමුණු මන්ත්‍රීවරුන් අතර සාකච්ඡාවක් අද පස්වරුවේ ජනාධිපති මන්දිරයේදී පැවැත්වුණා.
මේ අතර ශ්‍රී ලංකා නිදහස් පක්ෂ මහලේකම් දයාසිරි ජයසේකර මහතා සඳහන් කළේ ජනතා ඉල්ලීම්වලට පිටුපා රාජපක්ෂවරුන්ගෙන් සමන්විත කැබිනට් මණ්ඩලයක් නැවත පත්කළහොත් ජනතාවගේ විරෝධය මැඩලිය නොහැකි වන බවයි.
