අද (27) මධ්යම රාත්රියේ සිට ක්රියාත්මක වන පරිදි අත්යවශ්ය සේවා පවත්වාගෙන යාම සඳහා පමණක් ඩීසල් සහ පෙට්රල් නිකුත් කිරීමට රජය තීරණය තිබෙනවා.
අද පැවති කැබිනට් රැස්වීමේදී ගනු ලැබූ තීරණ දැනුම්දීම සඳහා රජයේ ප්රවෘත්ති දෙපාර්තමේන්තුවේ විශේෂ කැබිනට් තීරණ දැනුම්දීමේ මාධ්ය හමුවක් වෙත එක්වෙමින් කැබිනට් මාධ්ය ප්රකාශක අමාත්ය බන්දුල ගුණවර්ධන මහතා මේ බව සදහන් කළා.
ඒ අනුව වරාය නැව් තොට, සෞඛ්ය අංශ අත්යවශ්ය ආහාර පාන බෙදාහැරීම් කෘෂිකාර්මික ද්රව්ය ප්රවාහනය යනාදී අත්යාවශ්ය සේවා පවත්වාගෙන යාම සඳහා ඛනිජ තෙල් නීතිගත සංස්ථාව විසින් ඩීසල් සහ පෙට්රල් ලබාදෙන බව කැබිනට් මාධ්ය ප්රකාශක අමාත්ය බන්දුල ගුණවර්ධන මහතා පවසනවා.
එළඹෙන 10 වනදා දක්වා කෙටිදුර සඳහා අවශ්යකරන පොදු ප්රවාහන සේවය ලංකා ගමනා ගමන මණ්ඩලයේ බස්රථ හරහා ලබාදීමට කටයුතු යොදා ඇති බවයි ගුණවර්ධන මහතා සදහන් කරන්නේ.
මේ අතර පවතින ඉන්ධන හිඟය හේතුවෙන් අන්තර් පළාත් ගමනා ගමනය බොහෝදුරට අත්හිටුවීමට සිදුවන බවද අමාත්යවරයා එහිදී වැඩිදුරටත් පැවසුවා.
බස්නාහිර පළාතේ කොළඹ කලාපයේ හා තදාසන්න ප්රදේශවල සියලු පාසල් හා සෙසු ප්රධාන නගරවල පාසල් ජුලි මස 10 වනදා දක්වා වසා තැබීමට තීරණය කර තිබෙනවා.
අනෙක් ප්රදේශවල පාසල් පැවැත්වීම සමබන්ධයෙන් තීරණ ගැනීම විදුහල්පතිවරුන්ට සහ අධ්යාපන බලධාරීන්ගේ අභිමතය පරිදි සිදුකළ හැකි බවද මෙහිදී සදහන් කළා.
ඊට අදාළ දර්ශන පහතින්,