ශ්රී ලංකාව මාස 6 ක් තුළ සුභවාදී මාවතකට ගෙන ඒමට සැලසුම් සකස් කර ඇති බව ආයෝජන ප්රවර්ධන අමාත්ය ධම්මික පෙරේරා පවසනවා.
ඒ, පෙරේදා (27) රාත්රීයේ පෞද්ගලික රූපවාහිනී නාලිකාවක වැඩසටහනකට එක්වෙමින්.
රටේ ජනතාවගේ සංවර්ධනය වෙනුවෙන් තම පෞද්ගලික මුදල්ද වැය කිරීමට සූදානම් බවයි එහිදී අමාත්යවරයා සඳහන් කළේ.
ඒ අනුව, මසකට රුපියල් මිලියන 50 ක් බැඟින් ඒ සඳහා යෙදවීමට සූදානමින් බවත් වැඩකටයුතු කිරීමේදී ටෙන්ඩර් පටිපාටිය අනුගමනය කර මාස 3 ක් බලා සිටීමට තමාට නොහැකි බැවින් එවැනි අවස්ථාවලදී තමන්ගේ ධනය යෙදීමට සූදානම් බවත් ඔහු සඳහන් කරනවා.
ආගමන විගමන දෙපාර්තමේන්තුවේ සේවා සඳහා යාපනය ඇතුළු ඒ ආසන්න ප්රදේශයට කාර්යාලයක් නොමැති අතර ඒ හේතුවෙන් ඔවුන්ටද කොළඹට පැමිණීමට සිදුව ඇති නිසා පළමුවෙන් තමන් එම ප්රදේශයේ ආගමන විගමන දෙපාර්තමේන්තුවේ කාර්යාලයක් තමන්ගේ ධනයෙන් ආරම්භ කරන බවත් ඔහු වැඩිදුරටත් සඳහන් කර සිටියා.