ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී සනත් නිශාන්ත මහතා අධිකරණ විනිසුරුවරුන් වෙත දැඩි චෝදනාවක් එල්ලකර තිබෙනවා.
ඒ ඊයේ (23) එම පක්ෂ මූලස්ථානයේ පැවති ප්‍රවෘත්ති සාකච්ඡාවකදී.
ඔහු පවසන්නේ නීතිපති දෙපාර්තමේන්තුවේ ඇතැම් නිලධාරීන්, නීතිඥ සංගමයේ ඇතැම් නිලධාරීන් හා ඇතැම් විනිසුරුවරුන් අපරාධරුවන්ට ඉක්මනින් ඇප ලබාදීම සම්බන්ධයෙන් වගකිවයුතු බවයි.
පොදුදේපල පනත යටතේ හෝ පුරාවිද්‍යා පනත යටතේ අත්අඩංගුවට ගත් පසුව මහාධිකරණයෙන් ඇප ලබාගත යුතු වුවත් මේ වන විට මහේස්ත්‍රාත් අධිකරණයෙන් ඇප ලබාදී ගෙදර යවන බවට සනත් නිශාන්ත මන්ත්‍රීවරයා චෝදනා කරනවා.
රටේ කිසිදු නීතියක් ක්‍රියාත්මක නොවන බවත්, එයට ඇතැම් නිලධාරීන් වගකිවයුතු බවත් ඔහු වැඩිදුරටත් පවසනවා.
එමෙන්ම තමන් මැයි 09 වනදා ජනාධිපති ලේකම් කාර්යාලය වෙත ගෝල්ෆේස් හරහා ගමන් කළේ සංදේශයක් භාරදීමට බවත්, එය තමන්ගේ සාක්කුවේ තිබූ බවත් සනත් නිශාන්ත මහතා මාධ්‍යවේදීන් නැගූ ප්‍රශ්නවලට පිළිතුරු දෙමින් මෙහිදී සදහන් කළා.
ඊට අදාළ දර්ශන පහතින්,
