මෙරට පුද්ගලයින් දසදෙනෙකුගෙන් තිදෙනෙකු ආහාර අනාරක්ෂිත තත්ත්වයෙන් පසුවන බව එක්සත් ජාතීන්ගේ සංවිධානය පවසනවා.
එක්සත් ජාතීන්ගේ සංවිධානයේ ලෝක ආහාර වැඩසටහන නිවේදනයක් නිකුත් කරමින් පෙන්වාදේනේ, ශ්රී ලංකාව මුහුණ දී ඇති දරුණුතම ආර්ථික අර්බුදය හමුවේ ගැබිනි සහ මව්කිරි ලබාදෙන කාන්තාවන් දැඩි ලෙස පීඩාවටට පත්ව ඇති බවයි.
අවුරුදු 5ට අඩු දරුවන් සහ ආබාධ සහිත පුද්ගලයින් ද දරුණු ලෙස පීඩාවට පත්ව සිටින අතර වයස අවුරුදු 5ට අඩු ළමුන් වෙනත් මධ්ය ආදායම් ලබන රටවලට වඩා ඉහළ මන්දපෝෂණ අනුපාතිකයින් පෙළෙන බව ද එම නිවේදනයේ සඳහන් ය.
මේ වන විට ශ්රී ලංකාව තුළ ආහාර උද්ධමනය සියයට 90වට වඩා ඉහළ මට්ටමකට පැමිණ ඇති බැවින් ජීවනනෝපායන් සහ ආහාර සුරක්ෂිතතා වැඩසටහන්වලට බාධා පැමිණ ඇති බැවින් මිලියන ගණනක ආහාර අනාරක්ෂිතභාවයට ගොදුරු වී ඇති බව එක්සත් ජාතතින්ගේ සංවිධානය පෙන්වා දෙනවා.
මිලියන 6.3කට ආසන්න ජනතාවක් ආහාර අනාරක්ෂිතාව සහ ආධාර අවශ්යව සිටින අතර මිලියන 1.5කට ආසන්න පිරිසකට හදිසි ආහාර ආධාර අවශ්ය බව එක්සත් ජාතීන්ගේ සංවිධානය ලෝක ආහාර වැඩසටහන පෙන්වාදෙනවා.