මත්පැන් නිර්ව්‍යාජ දැයි හඳුනාගැනීම සඳහා ජංගම දුරකථන මෘදුකාංගයක් හඳුන්වාදීමට සුරාබදු දෙපාර්තමේන්තුව තීරණය කර තිබෙනවා.
ඒ අනුව අදාළ ජංගම දුරකථන මෘදුකාංගය ළඟදීම නියමු ව්‍යාපෘතියක් ලෙස මෙරටදී ආරම්භ කෙරෙනු ඇති.
එහිදී මෙරට තුළ අලෙවි කරන සියලුම විදේශීය මත්පැන් සඳහා අදාළ වන පරිදි මෙම ජංගම දුරකථන මෘදුකාංගය හදුන්වාදීමට තීරණය කර ඇති අතර සුරාබදු දෙපාර්තමේන්තුව නිවේදනයක් නිකුත් කරමින් ප්‍රකාශ කර ඇත්තේ වසර ගණනාවක පටන් සිදුකළ අඛණ්ඩ උත්සාහයක ප්‍රතිඵලයක් ලෙස මෙම මෘදුකාංගය හදුන්වාදීමට හැකියාව ලැබී ඇති බවයි.
ඒ අනුව සුරාබදු දෙපාර්තමේන්තුව විසින් හෙට දිනයේදී මේ පිළිබඳව වැඩිදුරටත් මහජනතාව දැනුවත් කිරීමට නියමිතව තිබෙනවා.
